Årsplaner

Klasser: 06H
Periode: 13/8-21/6
Team / lærer: HP

Kalaallisut :
Naliliineq / Evaluering:
Ullaat tamaasa ullorsiutit allanneqartarput, ippassaq sulerisimaneq oqaloqatigiissutigalugu misigisat sakkortuujusimappata, ulorianartoqarsimappat imaluunniit unioqqutitsisoqarsimappat eqqartueqatigiiffigalugit, ilinniartitsisup allatassatut isumaqatigiissutit allattarfimmut allakai, atuartup ipadiminut ilaarlugu allattarpaa.Oqaasilerineq sammivarput Ole Brandtip ”oqaasilerineq allattarissanik suliassartalik” ataatsimoorullugu suliarisarpagut aamma oqaatsit qaqutiguulersut isumasiorlugit ingerlattarpagut. Aappersarissat ataatsimoorullugit ingerlappagut. Kalaallit oqaluttuaataannik atuffatsinneq - tusarnaarnissamut takorluuinissamullu sungiusaatitut atorlugu ingerlapparput.  Oqaatsinik atuisinnaanera pitsanngorsarniarlugu oqaloqatigiinneq, misigisalikkersaarneq, eqqarsaasersorneq atungaatsiarparput.
 
Piginnaasat / Kompetencer:
Oqaasilerinermi oqaatsit taggisit oqaluutillu immikoortissinnaavai, ataasersiutaanersut qasseersiutaanersulluunniit paasisimasaqarfigaa, oqaluutit kinaassusersiutaat aallaavigalugit allanngorartarneri paasisimasaqarfigai, oqaatsit qaqutiguulersut isumaat nalugaangamigit eqqoriassallugit qanoq isumaqarnersut nuannarisarpaa. Oqaluinnarluni paasinartumik inunnut allanut attaveqarsinnaavoqMalunnartumik atuarsinnaaleriartorpoq, nammineq soqutigisaminik atuarniartalersoq allanniartalersorlu, kisianni atuaqqullugu piumaffigigaanni matusarpoq atuarumajunnaarluni. Allanniarneq nipisiuineq iluaqutigalugu piginnaasaqarfigilaarpaa, taamaattorli sivikitsuinnarmik aallussisinnaagami angusakittaqaluni pissarsiakittaqaarlu..
 
Piginnaaneqarfigiligassat / Ilaatigut anguakkat / Potentialer / Delmål:
  • Allassinnaleriartuaarsinnaaneq
  • Atuarsinnaaleriartuaarsinnaaneq
  • Eqqarsaasersorluni oqaluttuarsinnaaneq.
  • Inuit allat oqaasiinik tusarnaarsinnaaneq, isumaannik naliliisinnaaneq
  • isummanik oqaasinngortitsisinnaaneq.
  • Kalaallisut oqaasilerinermi piginnaasaqarnerulerneq, oqaasilereriaatsillu immikkoortortaanik paasisimasaqarnerulerneq.
  • Atuffatsilluni tusarnaarsinnaaneq tusakkanillu nalilersuisinnaaneq
 
Periutsit atortussat / Metoder / Materialer:
Ullut tamaasa ullaakut ullorsiusiorluni Ipadimut allanneq aallarniutaasassaaq.
Kopiikkanik assigiinngitsunik atuakkanillu piginnaasaanut naleqquttunik sulisinneqartassaaq atuartut holdinit allaneersut piginnaasaanut nallersuussinnaasut ilagitillugit. Sapinngisamik anguniarneqassaaq sivitsoriartortumik atuagarsorluni suliaqartarnissaa.
 
 
Qallunaatut:
Qallunaatut oqaatsit ulluinnarni atorneqartut ilisimasaqarfigilaarpai, aammalu kalaallisut oqaatsitsinni qallunaatuumiit oqaasersiagut paasisaqarfigilaarlugit.
 
Piginnaaneqarfigiligassat / Ilaatigut anguniakkat/ Potentialer / Delmål:
Qallunaatut piginnaasai naapertorlugit holdinit allaneersunik peqateqarluni qallunaatut atuartinneqartassaaq, anguniarneqassaaq sapinngisamik sivitsoriartortumik atuagarsorluni suliaqartarnissaa qallunaatullu piginnaanininnerunissaa.
Periutsit / Atortussat/ Metoder/ Materialer:
  • Atuaqatigiit ilinniartitsisorlu oqaloqatigiillutik oqaatsinik paasiniaanerat
  • Qallunaatut atuakkat soorlu DUS MED DANSK kopiikkallu naleqquttut
  • Ordbogit qarasaasiaq, Ipad internettilu
 
 
Kisitsinermi:
Katiterisinnaavoq ilanngaallunilu, ilanngaanermi atorniarneq ilikkarpaa, amerlisaaneq agguaanerlu misilittagaqarfigilaalerpai, kisitassat takorlooruminarsakkat tigussaasut atorlugit.Matematikkimi sammineqartut assigiinngitsut iserfigilaarlugit paasisaqarfigai soorlu makku; ilimanassuseq, illugiiffaariit, avitat, procenti, geometrimi ilutsit naliginnaanerusut, statistikki, annertussuseq, cirkelKisitassat katitigassat ajornanngitsunnguit matematikkimilu ilutsit ilaarlugit titartagassat, statistikkilu atortugu naatsorsugassat ajornanngitsunnguit atuakkaniit kopiikkaniillu tigusat suliarisarpai. Nalunaaquttap qassinngornera taasinnaavaa aamma ullup unnuallu 24 tiiminut agguarsimanera paasivaa, minutsit sekundillu paasisaqarfigai..
 
 
Naliliineq/ Evaluering:
Matematikkip iluani sammineqarsinnaasunut assigiinngitsunut paasisai amerliartorput.
Kisitsineq piginnaasaqarfigaa, kisianni allamut saaqajaasarnerujussuani, eqiasunnerujussuani, isummanilu atorlugu pikkugisaminik taamaallaat suliaqarusunnerujussuata atuakkersorluni suliaqartinniartarnera ajornakusoortittaqaa. Suliassani piareerniapallattarpai allanik sammisaqarniassagami.
 
Piginnaasat / Kompetencer:
Kisitsisit katitersinnaavai, ilanngaaneq piginnaaneqarfigaa amerlisaaneq agguaanerlu piginnaaneqarfigilerpai, geometrimi ilutsit naliginnaanerit ilisimasaqarfigai, nalunaarsuineq (statistik)  pisariitsunik piginnaasaqarfigaa, nalunaaqutaq 24 timinut agguarnera minutsillu 60 minutsinut agguarneri paasisaqarfigilaarpai. Kisitsissuteeqqap atornissaa paasisaqarfigiartorpaa.
 
 
Piginnaaneqarfigiligassat / Ilaatigut anguakkat / Potentialer / Delmål:
Piginnaasaminut naleqquttunik kisitsinermi sammisaqartassaaq sapinngisamik sivitsoriartuaartumik sulisinniarneqartassaaq
 
Periutsit atortussat / Metoder / Materialer:
  • Holdinit allanit atuartunik piginnaasaminut naleqquttunik piginnaasalinnik atuaqateqarluni
  • Piginnaasaanut naleqqutut atuakkat kopiikkallu assigiinngitsut
  • Qarasaasiaq Ipad internittilu
  • Aqerluusaq, titartaat, qivernerisut, ammalortuliuut, centicubis, kisitsissuteeraq, isomitrisk papir, qalipaatit, qiuutit, lim. il.il.
 
Socialt - Personlige udvikling/Inuttut inerikkiartorneq:
Timimigut eqqiluitsuunissani ilinniagassaraa taamatuttaarlu atisami taarsikulanerunissai  pisariaqartittarlugit, ukiumi silamut naleqquttunik atisaqarnissap qanoq pingaaruteqartiginera paasilluartariaqarpaa.
Oqaluttualaartalernikuuvoq angerlarsimaffimminni aneeraangamillu pisimasunik assigiinngitsunik, sulili ilinniangaatsiassavaa oqaloqateqarneq. Inunnut allanut pissusilersorneq killissaannillu ilisimasaqarnissani pisariaqartippaa paasissallugu,
 
 
Piginnaasat / Kompetencer:
Isumagissaaraangami ilakkuminartarpoq atuaqamminut meeqqanullu allanut inussiarnisaarnerulerluni, nerinissaminut atortuminik saligaatsuutitsiniarnini ilikkariatorpaa, inoqamminut nukersunnginnissani ilikkariartoraa malunnarpoq, timimigut atisamigullu eqqiluisaarnerulersoq.
 
 
Piginnaaneqarfigiligassat / Ilaatigut anguakkat / Potentialer / Delmål:
  • Atuarfiup avataani pisimasunik oqaluttuarsinnaaneq ilinniassavaa
  • Inuup timaata atortuinik ilisimasaqalaarsinnaaneq
  • Pissuserissaarnissap pingaarutai paasisimasaqarfiginerulissagai
  • Imminnut ajunngitsumik oqaluttuarisinnaassasut
  • Ikinngutigiinnerup naleqassusia paasisimassagaat
  • Misigisat nuanniitsut pisullu ulorianartut ingalaniassagaat
  • Timimikkut eqqiluisaarnerup pingaarutaa ilisimassagaat
  • Nerisassat peqqinnartut inuup peqqissusianut pingaarutaat ilisimassagaat, peqqinnartunillu atuarfimmi ullup qeqqanut nerisassiorsinnaassasut imaluunniit taquarsinnaassasut
  • Inoqatit isumaannik tusarnaarneq, inoqatinikataqqinninnissaq.
 
 
 
Periutsit atortussat / Metoder / Materialer:
  • Inip iluani pingaartitat ( atuartut toqqagaat)
  • Atuarfiup iluani malitassat
  • Nerisassat peqqinnartut
  • Aviisit, neqeroorutit kiisalu internetimi ujarlerfiusinnaasut
  • Kammagiitta
  • nallukattat
  • Peqqinnissamut/ eqqiluisaarnissamut pingaarutilinnik sammisaqarneq
  • Ulluinnarni nerineqarnerusartut
  • Inatsisit misissuataalaarnissai
  • Imminut tusaaneq
  • Pisiniarfiit
  • Inuup timaa
  • Pissuserissaarnissap uteqqittuarnissaa
 

Lokale valg:

Naliliineq / Evaluering:

Iganeq, Iffiorneq, assassorneq, eqaarsaarneq ,qarasaasiarneq, sanasarfimmi sananeq.
Iganeq sapaatit akunneranut ataasiarluta sammisarparput, atuaqatigiinni sammerusutat aallaavigalugit tulleriiaallutik sanarusutaminnik suliaqartarput. Tassanilu ilaapput iffiorneq.
Sapaatip akunneranut arlaleriarlutik qarasaasiartarput, programminiittut sammissallugit nuannarisarpai piginnaasaqarfigilluarlugillu. Ilaannikkut sanasarfimmi assigiinngitsunik sanasarpugut.
 
 
Piginnaasat / Kompetencer:
-Nerisassiornermi nerisassat aallaqqaataanniit suliarinissai
-Savik qalipaajaallu atorlugit agguineq qalipaajaanerlu.
-Eqqiluisaarneq assakkut
-Erruineq allarterinerlu
-Cykelerneq, arsarneq, sisorarneq, eqaarsaarnermilu sammisassat assigiinngitsut piginnaasaqarfigilluarpai.
-Qarasaasiami spillerneq
-Qarasaasiami ujaasisinnaaneq.
Kaattarneq pilattorneq sioralitsiterineq sanaamillu aatartitamik naammassinnissinnaaneq ilinniarpai.
 
Piginnaaneqarfigiligassat / Ilaatigut anguniakkat / Potentialer / Delmål:
Lokalevalgimi anguniakkat:
  • Iganeq: Nerisassat peqqinnartut peqqinnanngitsullu immikkoortissinnaassagaat
Igaffimmi tunngaviusumik eqqiluisaarnissami maleruagassat nalunngissagaat
Sulinermi ukkissisinnaassasut imminullu piumaffigisinnaassasut
Iganermi iganngikkaluarluni atuagarsorneq
  • Qarasaasialerineq: qarasaasiami spil-it assigiinngitsut tuluttut qallunaatullu ilinniutigalugit atortassavaat, aamma atuaqatit suleqatigalugit spil-it sammisassavaat ikioqatigiinnermut ajunngitsumillu ataatsimoorsinnaanermut aqqutitut, qarasaasiami avammut attavik atorlugu paasisassat assigiingitsut paasiniarsinnaassavaat.
  • Eqaarsaarnermi timimik atorluarsinnaanerat misiligassavaat, ukiuminnut naleqquttumik timiminnik atuisinnaasasut, timisornermilu allat nuannisaqatiginissaat paasinerulissagaat anguniarneqarpoq .
  • Sanasarfimmi sakkut assigiinngitsut misilerarnissaat, sanaamillu peqqissaarullugu kusanartumik naammassinnissinnaaneq ilinniassavai.
 
Periutsit atortussat / Metoder / Materialer
  • Nerisassiornermi opskriftinik malitaqarluni igasinnaaneq / iffiorsinnaaneq
  • Eqqiluisaarnermi malitassat ilinniassagaat
  • Assassorneq, mersorneq punnguissarneq, naammassisaqarsinnaaneq
  • Namminneq pilersitsisinnaaneq
  • Ilusilersuisinnaaneq
  • Atoqqissinnaasunik suliaqarneq
  • Sannavimmi sakkut assigiinngitsut, qisuit saarngit, kikissat il.il.
  • Timiminik atuineq. Pisuttuarneq, Cykilerneq kiisalu arpaaterneq, mini halimi eqaarsaarutit assingiitsut.